Shidai Drama Episodes 18 & 19 Review: Shocking Blunder Caught in Episode 17 and Eeliya’s Evil Plot Revealed

ڈرامہ 'شیدائی' قسط 18 اور 19 کا ریویو: میرال پر ٹوٹا مصیبتوں کا پہاڑ اور قسط 17 میں ٹیم کی بہت بڑی غلطی بے نقاب!

ڈرامہ سیریل 'شیدائی' (Shidai) اپنی سنسنی خیز اور جذباتی کہانی کی وجہ سے ناظرین کے دلوں میں گھر کر رہا ہے۔ میرال کی زندگی میں آنے والے طوفان نے کہانی کو ایک انتہائی نازک موڑ پر لا کھڑا کیا ہے۔ آج ہم شیدائی کی قسط نمبر 18 اور 19 (Episodes 18 & 19) کا ایک مختصر جائزہ پیش کریں گے اور ساتھ ہی قسط نمبر 17 میں ڈرامہ ٹیم کی جانب سے کی جانے والی ایک اتنی بڑی غلطی کی نشاندہی کریں گے جسے دیکھ کر آپ بھی حیران رہ جائیں گے۔

کہانی میں پہلے ایک خوفناک حادثے میں میرال کے باپ کی موت ہوئی اور اب شادی کے عین موقع پر، جب میرال ایجاب و قبول کر چکی تھی، دلہے عادل کی طرف سے سچ کا بم پھوڑا گیا۔ عادل نے میرال کے بھاگ کر شادی کرنے کو جواز بنا کر اسے اپنانے سے انکار کر دیا۔ میرال کی ماں عطیہ بیگم، جن کے بارے میں ڈاکٹروں نے پہلے ہی وارننگ دے رکھی تھی کہ وہ کسی بھی قسم کا صدمہ برداشت نہیں کر پائیں گی، عادل کا یہ دھوکہ سہہ نہ سکیں اور اپنی بیٹی کو اس دنیا میں بالکل بے یارومددگار چھوڑ کر خود دارِ فانی سے کوچ کر گئیں۔

"ڈرامے کی قسط نمبر 17 اور 18 میں ایک مضحکہ خیز غلطی سامنے آئی! عادل نے میرال کی ماں کے ماضی کی دھجیاں اڑاتے ہوئے عطیہ بیگم کی ماں (بشریٰ انصاری) کے بارے میں سارے حقائق بتائے۔ مگر اس کے باوجود، آدھی سے زیادہ قسط میں میرال، بشریٰ انصاری کے کردار کو 'دادی دادی' کہہ کر بلاتی رہی، حالانکہ ماں کی ماں 'نانی' ہوتی ہے دادی نہیں۔ نہ ڈائریکٹر نے کٹ کہا، نہ پروڈیوسر نے اور نہ ہی خود اداکارہ کو احساس ہوا۔ ایسا لگتا ہے پوری ٹیم مینجمنٹ میں رشتوں کے نام معلوم کرنے والا کوئی نہیں تھا!" - شوبز ہنٹ انکشاف

اس فاش غلطی کو میرال کو حواس باختہ دکھا کر چھپایا جا سکتا تھا کہ وہ ہوش کھو چکی ہے، مگر ایسا بھی کچھ نہیں دکھایا گیا۔ دوسری طرف، عیلیہ ملک اب علی خان سے اپنی پرانی دشمنی نکالنے کے لیے میرال کی زندگی میں زہر گھولنے پہنچ گئی ہے۔ عادل کو استعمال کرنے کا پلان ناکام ہونے پر عیلیہ کے شاطر دماغ نے فوراً دوسری چال چلی اور میرال کو علی خان کے خلاف بھڑکانے میں کامیاب ہو گئی۔ سچ کہتے ہیں کہ شیطانی دماغ رکھنے والے کبھی کسی کو سکھی نہیں دیکھ سکتے۔

اگرچہ علی خان ایک ایسی طاقتور شخصیت کا نام ہے جس کے سامنے بڑے بڑے پہاڑ بھی ریت کا ڈھیر ثابت ہوتے ہیں، لیکن فی الحال عیلیہ اپنی شاطرانہ چالوں میں علی خان سے بہت آگے چل رہی ہے۔ وہ علی خان کے بزنس کو مات دینے اور اس کی خوشیاں برباد کرنے کے لیے سائے کی طرح اس کے پیچھے لگی ہوئی ہے۔ عیلیہ نے کانوں کی کچی میرال کے ذہن میں یہ غلط فہمی ڈال دی ہے کہ اس کے والد کا انتقال حادثہ نہیں بلکہ علی خان کا سوچی سمجھی پلاننگ کے تحت کیا گیا مرڈر تھا، کیونکہ علی خان جانتا تھا کہ وہ ڈرائیونگ بھول چکے ہیں پھر بھی اس نے گاڑی گفٹ کی۔

عیلیہ نے یہ بھی جھوٹ گھڑا کہ میرال کی دادی اور نانی ماضی میں بیٹی کے گھر سے بھاگنے کی بات کو نہیں بھولی تھیں، اسی لیے انہوں نے اپنے پوتے علی خان کو مہرہ بنا کر یہ بدلہ پورا کیا۔ میرال اب عیلیہ کی باتوں میں آ کر علی خان سے شدید نفرت کرنے لگی ہے۔ تاہم، دادی اپنے پوتے کی زندگی میں آنے والی پریشانیوں کے سامنے اب ایک مضبوط ڈھال بن گئی ہیں اور انہوں نے ملک حشمت کو صاف الفاظ میں وارننگ دے دی ہے کہ اگر اب علی خان نے پلٹ کر وار کیا، تو انہیں چھپنے کی جگہ بھی نہیں ملے گی۔

Shidai Drama Episodes 18 & 19 Review & Major Blunder Caught

The latest episodes of the drama serial Shidai brought high-voltage drama and emotional devastation for Meral. Right after her grandfather's tragic death, her groom Adil backs out from the marriage at the last minute, citing her elopement logic as an excuse. Unable to bear this massive shock, Meral's mother, Attiya Begum, passes away, leaving Meral completely helpless.

However, a huge production blunder was caught by viewers where Meral repeatedly addresses her maternal grandmother (played by Bushra Ansari) as 'Dadi' instead of 'Nani' throughout the script, exposes a lack of attention from the director and management. Meanwhile, the evil Eeliya Malik successfully brainwashes Meral against Ali Khan, convincing her that her father's car crash was a calculated murder planned by Ali Khan. Blinded by grief, Meral now begins to harbor intense hatred for Ali Khan, setting the stage for an intense upcoming battlefield.